A chairde,

maidir leis an nath "um thráthnóna", an bhfuil aon riail ag baint leis an séimhiú ar "tráthnóna"?

An bhfuil "um thráthnóna" ceart uaireannta, agus "um tráthnóna" ceart uaireannta eile?

Eoin

_________________
Take the free email course Irish for Beginners by Bitesize Irish.

Cuireann "um" séimhiú ar c,d,f,g,s,t ach ní chuireann sé séimhiú ar b,p,m.

_________________
The dialect I use is Cork Irish.
Ar sgáth a chéile a mhairid na daoine, lag agus láidir, uasal is íseal

Nílim róchínnte cathain agus cá háit is féidir leat "uim" a dh'úsáid. Is é rud a cheapainnse ar dtúis ná go n-úsáidfí "uim" roim chunsan chaol, ach tá "uim Shadhbh" agus "uim an am san" ann sa litríocht, agus b'fhéidir gur minicí a chífí (nú a cloisfí) uim ná um - ach roim "tráthnóna" is um, gan dabht, b'fhéidir de bhárr gutha deiridh a sheasamh sa chéad siolla den fhocal?

Níl 'uim' in FBG in aon chor. An rud stairiúil é nó foirm den fhocal a bhaineann le canúint áirithe?

FGB: Um Shionainn - by the banks of the Shannon

Ar aon chuma, mar a dúradh cheana, cuireann um séimhiú ar fhocal nuair is féidir, mar a dhéanann formhór na réamhfhocal simplí.

Déarfainn gur rud stairiúil é "um", mar is é "uim" an fhuaimniú i Mumhain agus ní deirtear an réamhfhocal san i nDún na nGall ná i gConnacht (Lughaidh, Bríd?). Rud a chuireann an ionadh orm gurb é "imm" an leitiriú i SeanGhaelainn, agus n'fheadar cá dtáining "um" ach do glacadh é i Nua-Ghaelainn Clasaiceach.

_________________
The dialect I use is Cork Irish.
Ar sgáth a chéile a mhairid na daoine, lag agus láidir, uasal is íseal

Go raibh maith agaibh, a chairde.

Úsáidfidh mé "um thráthnóna" mar sin.

_________________
Take the free email course Irish for Beginners by Bitesize Irish.