Bia dhaoibh a chairde,

Tá bhur gcomhairle de dhíth orm. Nuair atáthar ag scríobh na Gaeilge i réim cuíosach ard, an dtéann an t-alt le hainmfhocal teibí de ghnáth? Mar shampla, ciocu is fearr dar libh, 1 nó 2 thíos?

1. "Is iad gnéithe tipiciúla na filíochta rithim, rím, uaim, comhshondas, samhail agus fuaimfhoclaíocht.

Scríobhtar mórán maidir le dúchasú, eachtrannú agus idirghabháil chultúrtha".

2. "Is iad gnéithe tipiciúla na filíochta an rithim, an rím, an uaim, an comhshondas, an samhail agus an fhuaimfhoclaíocht.

Scríobhtar mórán maidir leis an dúchasú, an t-eachtrannú agus an idirghabháil chultúrtha".

Scríobhfainn féin -
"Is iad gnéithe tipiciúla na filíochta ná rithim, rím, uaim, comhshondas, samhail agus fuaimfhoclaíocht.

Scríobhtar mórán maidir le dúchasú, eachtrannú agus idirghabháil chultúrtha".

Perry

Go raibh míle maith agat a Pherry.



Bíonn fonn orm amhlaidh a dhéanamh, ach táim ag ceapadh gur rud Muimhneach atá ann (tá an t-ádh orm teacht ón Deisceart) agus déanaim iarracht scríobh sa Chaighdeán ionas go dtuigfidh gach éinne mé. Aon seans gurb as an nDeisceart thú chomh maith?

Sílim fhéinig go bhfuil an tslí eile níos feárr .i. an t-alt a shní isteach, óir go gcuireann sé béim ar sna tréithe fhéinig mar bíonn ort stopadh agus briseadh anála a tharrac sara leanair leis an gcuid eile de'n abairt. Ligeann sé sin duit na tréithe a thuisgint agus a phróiseáil níos mire. Sin domhsa, pé sgéal é.



Cuireann abairt mar sin brón ar mo chroí , 'sé an nós nú an gnás 'thá agamsa ná má thá Gaoluinn aca ar an gcaighdeán/ leibhéal go bhfuighidíst/ bhféadfaidíst abairt 'thá casta a dóthain a thuisgint insa Chaighdeán Oifigiúil, bhuel, thá'n Ghaoluinn aca chun aghaidh a thabhairt ar an leagan chanúnach leis.

Bíonn sé rud beag saorga ' bheith a' sgríobh insa Chaighdeán ar uairibh chón maith, im' thuairimse.

Cian

_________________

Please wait for corrections/ more input from other forum members before acting on advice