Scríoḃfaiḋ mé mo ċuid abairtí as Gaeilge agus cuirfiḋ mo ċuid ceisteanna faoin nGaeilge sa snáiṫe seo.

Is úsáideoir nua mé anseo. (An féidir liom scríobh "nua an t-úsáideoir mé" freisin?) Scríobh mé mo réamhrá sa snáithe eile as Béarla. Níl an snáithe seo ach do chuspóir foghlama. Ní raibh a fhios agam ar dtús cad ba chóir dom a scríobh anseo. Léigh mé rialacha an fhóraim, ach níl a fhios agam má tá sé ceart go leor snáitheanna phearsanta a oscailt anseo.

Fáilte go dtí an bhfóram

Go hundúil tosnaíonn daoine snáithe nua má bhíonn ceist nua acu.

"An féidir liom scríobh "nua an t-úsáideoir mé" freisin?" - Ní féidir. Caithfidh an briathar a bheith ag tús an abairt.

Go raibh míle maith agat, a Bhríd!

Tar éis a ndúirt tú anois é, cuirfidh mé mo chuid ceisteanna sna snáitheanna eile.

Táim ar ais arís! Bóra is ainm dom. Shocraigh mé an snáithe seo a úsáid a leanúint ar aghaidh. Thosaigh an téarma scoile sa Tuirc, ach leanfaidh mé ar aghaidh an teanga seo a fhoghlaim. Is teanga an-álainn í an Ghaeilge agus ba mhaith liom dul go hÉirinn i ndáiríre. Rugadh mé i mBolu.

Móra na maidine dhuit, a Bhóra! Tá leathbharúil aithne agam ort; ar a laghad is dóigh liom go n-aithním an ainm sin. B'fhéidir gur casadh orm i bhfóram éigin eile thú? 'Linguoboy' a thugtar orm leis uaireanta.

Tá an ceart agat! Bím ag úsáid m'ainm féin de ghnáth ar laithreáin go leor, ach úsáidim ainm eile ar UniLang. Is "Elaine" é m'ainm úsáideora ar UniLang. Is modhnóir mé ansin. Tá an crann Gaeilge críochnaithe agam cheana féin (ar Duolingo).

Léigh mé na rialacha, ach tá ceist agam fúthu: Ar cheart dom m'iarratais aistriúcháin a phostáil ar an snáithe céanna nó snáithe nua a chruthú do gach iarratas? Níor mhaith liom an fóram a truailliú le postálacha nua.

B'fhearr dhuit gach iarratas a chur ina snáithe féin.

_________________
Múinteoir Gaeilge - Irish Teacher
My "specialty" is Connemara Irish, particularly Cois Fhairrge dialect, but I can also speak Ulster and Munster Irish with native-level pronunciation.
Is fearr Gaeilge ḃriste ná Béarla cliste, cinnte, aċ i ḃfad níos fearr aríst í Gaeilge ḃinn ḃeo na nGaeltaċtaí.
Gaeilge Chonnacht (GC), go háraid Gaeilge Chois Fhairrge (GCF), Gaeilic Uladh (GU), Gaelainn na Mumhan (GM), agus Gaeilge an Chaighdeáin Oifigiúil (CO).