Toisc go gcaithim roinnt mhaith dem chuid ama i gCiarraí i rith an tSamhraidh (ar a laghad nuair a bhíos beagáinín níos óige ar aon nós), thugas cuairt ar Ballinskelligs go minic (nílimid suite ach 5 mhíle déag ón áit san).

Dúirt m'athair liom go mba cheart go litrítear ainm na háíte "Baile na Sceilge" in ionad an ainm oifigúla, "Baile an Sceilg". Is focal baininscneach í an focal "sceilg" san fhoclóir. Ní maith an rud é dá mbeadh gramadach mícheart mar ainm Gaeltachta, an ea?

'Fad is atá mé ag labhairt faoin gceantar seo, cén saghas Gaeltacht é? Níor chualas ach roinnt bheag Gaeilge á labhairt sa chaifé ar dtrá, agus an fáth a tugadh ná go raibh "na múinteoirí timpeall" (nó rud éigin mar sin).

Go raibh maith agaibh!

Tá an ceart aiged' athair. Tá cúpla leabhar agam a scríobh cainteoirí dúchais as Baile na Sceilge ag deireadh an chéid seo caite, agus is é "Baile na Sceilge" atá ag gach duine acu.

Ní Gaeltacht in ao' chor é, tá Gaelainn ag roinnt mhaith den seanadream, ach is annamh a chloisfeá í á labhairt gan foghlaimeoirí a bheith ann. Is ait an scéal é, bhí níos mó cainteoirí in Uí' Ráthach ag tosach an chéid seo ná mar a bhí i gCorca Dhuibhne.

_________________
The dialect I use is Cork Irish.
Ar sgáth a chéile a mhairid na daoine, lag agus láidir, uasal is íseal

Faightear cúpla hit le "Baile na Sceilge" ar Google, ach ní a lán i gcomparáid leis an ainm oifigiúil mícheart.

An bhfuil á rá agat ná nach Gaeltacht é, ach in ainm amháin? Deireann Wikipedia liom gur Gaeltacht é, b'fhéidir go bhfuil sé mícheart?

Bhoil, deireann Wikipedia gur Gaeltacht é Oileán Acla agus is fada an lá ó bhí Acaill ina Ghaeltacht. Tá seanadaoine ann go bhfuil Gaelainn dúchais aca, ach is deocair bualadh leotha, Breac-Ghaeltacht ana-lag atá i gceist, agus taobh amuigh de Bhaile na Sceilge, tá Uí' Rá' ina Ghalltacht.

_________________
The dialect I use is Cork Irish.
Ar sgáth a chéile a mhairid na daoine, lag agus láidir, uasal is íseal