A chairde,

Cén Gaeilge a chuirfeadh sibh ar "song translation" (sé sin, go dtógtar amhrán, fágtar an ceol mar atá, agus cuirtear na focail i theanga eile).

An bhfuil "aistriúchán na n-amhrán" sásúil? Glacaim leis gur féidir "the translation of the songs" a bhaint mar chiall as sin, ach ní fheicim réiteach níos fearr.

Fáilte roimh thuairimí!

Briain.

[Ceartúchán: bhí "aistriúcháin na n-amhrán" (le i sa bhreis sa chéad focal) agam an chéad uair. Ní raibh sé i gceist agam]

"The translations of the songs" is ciall le "aistriúcháin na n-amhrán"

Tá "amhrán" firinscneach. Mar sin de: "aistriúchán an amhráin" = "(The) song translation"/"(the) translation of the song".

Grma a Errigal, ach is dóigh liom gur "the translation of the song" ciall "aistriúchán an amhráin". Ní dóigh liom gur féidir ach an ciall sin a bhaint as. Agus mothaím go ndéanann sin tagairt d'amhrán amháin ar leith.

Le "song translation", táim ag déanamh tagairt don phróiseas, don choincheap.

Rith sé chugam go mbeadh an ciall chéanna le "the translation of songs". Agus aistrítear a leithéad le "an t-aistriúchán amhrán" muna bhfuil dearmad orm. Tá "amhrán" sa ghinideach iolra age deireadh.

Fáilte roimh thuairimí ar sin.

An ndéanfadh "aistriughchán amhrán" (gin. iol.) an gnó?

_________________
(SL)(GM)

Mothaím nach ndéanann, ach go raibh maith agat. Mar shampla, ní dóigh liom go n-oibríonn "Próiseas casta is ea aistriúchán amhrán". Is fearr liom "Próiseas casta is ea an t-aistriúchán amhrán". Fásann an tuairim seo ar fad as eolas a fuair mé sa Chaighdeán Oifigiúil 2012. Rinne mé an múnla a leanann as eolas a fuair mé i ranna 3.1.3 agus 3.1.8. Cuirim fáilte roimh phlé ar an ábhar seo (cé go samhlaím gur pléadh cheana é, ní bhfuair mé mórán ag cuarach na cartlainne).

hata + fear = hata fir
(a/f éiginnte á cháiliú le ha/f éiginnte)
A hat of a man

hata + an fear = hata de chuid an fhir
(a/f éiginnte á cháiliú le ha/f cinnte)
A hat of the man

an hata + fear = an hata fir
(a/f cinnte á cháiliú le ha/f éiginnte)
The hat of a man

an hata + an fear = hata an fhir
(a/f cinnte á cháiliú le ha/f cinnte)
The hat of the man

A Bhríain,

Déarfainnse go bhfuil leagan Mhurchaidh ceart go leor, mar atá do chuid aistriúcháin féin chomh maith.

Próiseas casta is ea aistriúchán amhrán - song translation is a complex process

Próiseas casta is ea an t-aistriúchán amhrán - the translation of songs is a complex process

Slán,

Domhnall

_________________
Ultach mé agus Gaeilg Uladh a labhraim go measardha maith!

An-choitcheann atá an dul cainnte seo. Seo solaoidí eile air:

innsint scéalta - story-telling/telling stories
marcaidheacht capall - horse-riding/riding horses
nigheachán éadaighe - "clothes-washing"/washing clothes

(N'fheadar arbh fhéidir "aistrightheoireacht amhrán" a dh'úsáid dá mba ag cur síos ar ghnó aistrightheora amhrán (song translator) - más ann d'á leithéid - a bheifí ?)

_________________
(SL)(GM)

Is dócha go mbainfidh mé úsáid as "an t-aistriúchán amhrán" nó "aistriúchán amhrán", de réir mar is cuí san abairt.

Ach tá an cuma ar an scéal go bhfuil "aistriúchán" tofa mar an téarma a chuireann síos ar ghnó an aistritheora: ní fhaightear "aistritheoireacht" in Ó Dónaill/focal.ie in aon chor.

Míle buíochas as bhur bhfreagraí.

Gan amhras is annamh a thagtar air ach má dheinir é a ghúgláil gheobhair i n-úsáid é.
Is fearr na cinn atá id' theachtaireacht thuas ar aon chor.

_________________
(SL)(GM)