Seo cóip den ríomhphost:

A chara,

Tá súil againn go bhfuil tú go maith!

Tá súil againn gur bhain tusa agus do ghrúpa sult as an bpáirt a ghlac sibh i gComhrá ’14 anuraidh. B’iontach an rud é an churiarracht a bhaint amach don chomhrá Gaeilge is faide riamh agus a bheith ag obair libh chun an sprioc sin a bhaint amach.

Creid é nó ná creid, táimid ag iarraidh an rud ar fad a dhéanamh arís agus an churiarracht sin a shárú!

170 uair a’ chloig an babhta seo, ó 6 – 13 Deireadh Fómhair 2015, agus tá súil againn go mbeidh sibh linn arís!

Ní fhéadfaimis é a dhéanamh anuraidh gan an tacaíocht ar fad uaibhse, mar sin tá súil againn go mbeidh sibh ábalta cabhrú linn arís i mbliana agus a bheith mar chuid d’ócáid stairiúil agus spraíúil ar son na Gaeilge! Táimid ag déanamh teagmhála ar dtús leis na grúpaí a ghlac páirt anuraidh chun an chéad rogha a thabhairt daoibh ó thaobh dátaí agus amanna de, tá súil againn go gcabhróidh sé seo libh.

Tá eolas faoi Comhrá’15 agus conas páirt a ghlacadh ann thíos. Má tá aon eolas breise ag teastáil uait, ná bíodh leisce ort teagmháil a dhéanamh linn ag comhra@cnag.ie nó +353 (0)1 4757401 (oifig Sheachtain na Gaeilge)!

Ag súil go mór le cloisteáil uaibh!

Le gach dea-ghuí,

Brenda Ní Ghairbhí & Sinéad Ní Dhomhnaill
Comhrá ’15

* * * * * * * * * * * *
COMHRÁ’15
Beidh grúpaí éagsúla ar fud an domhain ag eagrú ciorcail chomhrá ar feadh uair a chloig agus beidh siad ar fad san áireamh in amchlár a leanfaidh ar feadh breis is seachtain GAN STAD ó 6 - 13 DEIREADH FÓMHAIR. Déanfar an comhrá a shruthú beo ar snag.ie agus beidh deis ag an bpobal ar fud an domhain páirt a ghlacadh trí twitter le#comhrá. Tá súil againn i mbliana níos mó teagmhála idir na grúpaí a éascú nuair atá an comhrá ag bogadh ó ghrúpa go grúpa.

GLAC PÁIRT
1. Féach ar Amchlár Comhrá ’15 ag an nasc seo agus roghnaigh an t-am nó na hamanna is oiriúnaí do do ghrúpa:https://docs.google.com/spreadsheets/d/1rPqTv4GfOt08B5a6RM7Mf_f9Qo4fq8T0w5wSLpHH6sI/edit#gid=0

Cúpla nod:
Beimid fíorbhuíoch agus sásta má tá sibh ábalta páirt a ghlacadh ag aon phointe le linn na seachtaine ach má tá aon solúbthacht agaibh, bheadh sé iontach dá bhféadfadh sibh an t-eolas seo a leanas a chur san áireamh & sibh ag roghnú ama:
· Bíonn an-tóir ar amanna idir 9rn – 4in i measc scoileanna mar sin bheadh sé iontach, má oireann sé daoibh, am a thógáil lasmuigh de na huaireanta sin chun cabhrú linn áiteanna a chur ar fáil do scoileanna
· Bíonn na hamanna ag an deireadh seachtaine deacair le líonadh mar sin bheadh sé iontach, má oireann sé daoibh, cabhrú leo siúd

2. Cláraigh do Chomhrá '15 leis an fhoirm a líonadh ag an nasc seo: http://goo.gl/forms/24u9sXCNVF

3. Beidh foireann Comhrá ’15 i dteagmháil leat (le do theagmhálaí) leis an am a dheimhniú agus cuirfear níos mó eolais, treoracha agus riachtanais teicneolaíochta agus pacáiste tacaíochta chuig an ngrúpa.


--
Foireann Thaca Comhrá ’15
6 Sráid Fhearchair
Baile Átha Cliath 2

+353 (0)1 4757401 | comhra@cnag.ie | http://www.snag.ie/comhra | #comhra

_________________