Is focal baininscneach í liathróid. An deireann daoine 'beir uirthi' nó an deireann siad 'beir air'? Is dóigh liom go bhfuil 'uirthi' ceart ach an deireann daoine é sin?

_________________

Deirimse "beir uirthi" ach thá'n nós ann anois go n-úsáidtear an forainm firinscneach do gach focail, go háirithe i nGaeilge na Scol.

mar shampla deirtear: Is teanga deas é an Gaeilge

Ba chóra é ' bheith: Is teanga deas í an Ghaeilge

nú

(Tá sé go deas (an aimsir))

'Sí "Tá sí go deas" an fhoirm ceart!

_________________

Please wait for corrections/ more input from other forum members before acting on advice

níl mé cinnte go dtig an nós sin ó na scoltacha ie. ón Bhéarla. In 'An Teanga Bheo: Gaeilge Uladh' agus i leabharthaí eile fosta, mínithear gur minic a úsáidtear "sé" agus "é" le tagairt ar rudaí (eadar bhaininscneach agus fhirinscneach), agus go n-úsáidtear "sí/í" le tagairt ar ainmhithe baineanna nó ar mhná agus ar chailíní ach ní i gcónaí ar rudaí a bhfuil an inscne bhaineann acu... (ach tá cupla eisceacht: "sí" a úsáidtear le tagairt ar chait go minic, agus ar bhádaí... agus ar chupla rud eile)

_________________
Is fearr Gaeilg na Gaeltaċta ná Gaeilg ar biṫ eile
Agus is í Gaeilg Ġaoṫ Doḃair is binne

Thá cinnte, gan amhras, thá sé le cloisint i measg chainteoirí maithe an lae inniuimh leis ach i gcúige Mumhan do Chloisfí na forainmneacha "sé" agus "é" a' tagairt d'ainmfoclaibh fhirinscneacha agus "sí" 7 "í" ag tagairt d'ainmfhoclaibh bhaininscneacha i bhfad níos mó ná'n mhalairt. Dob' fhéidir go bhfuilid na canúintí eile difreamhail ach úsáideann "Gaeilge na Sgol"- "sé agus é" do gach forainm gan aird ar Chanmhaint- sin mo thaithí féinig. Gan amhras úsáidtear "sé" agus "é" agus tú ag labhairt fé rud teibí, mar shampla an chéad líne agamsa: "Thá sé le cloisint i measg...". Thá na eisceahtaí san agat rud éigint eile ar fad fós i mBéarla na hÉireann/ B'fhéidir i mBéarla go ginearálta deirtear "sí" nuair a bhfuilid á dtagairt do bhád nú long nú carr.

_________________

Please wait for corrections/ more input from other forum members before acting on advice

úsáidtear "sí" le tagairt do bhád i dToraigh, más buan mo chuimhne, agus creid mise, is í Toraigh an áit is Gaelaí in Éirinn chaith mise cupla uair a' chloig ann agus char chualaidh mé Béarla ann agus bheadh na déagóirí a' labhairt Gaeilge le chéile, rud nach ndéanann na déagóirí ins na Gaeltachtaí eile do ghnáth, dar liom, nó níl a' Ghaeilg "cool", tá's agad. Cibith, má deirtear "sí" sa chás sin i dToraigh chan é tionchar a' Bhéarla is cúis leis

_________________
Is fearr Gaeilg na Gaeltaċta ná Gaeilg ar biṫ eile
Agus is í Gaeilg Ġaoṫ Doḃair is binne

_________________

Please wait for corrections/ more input from other forum members before acting on advice